男人謊言 ~~ 那個你曾經做過？

第一謊言：冇你唔得？

男人最鍾意同女人講：「我只係愛你一個。」
其實男人係想同女人講：「係而家既環境，我暫時愛住你先。」

男人之所以選擇同你一齊，原因只有一個，就係而家佢未有最好選擇，海枯石爛此情不渝只係個D情歌先會有，現代愛情好現實，大家都係講條件，今日我係侍應同個文員妹拍拖當然冇問題，若果話突然有更好既選擇，例如間餐廳既太子女鍾意左我，搖身一變為駙馬爺可能就好多男人都制。呢個事實對女人黎講好殘酷，但絕對千真萬確並無虛言。

第二謊言：從來唔滾？

男人唔出去滾既原因係乜呢？「我唔鍾意同D冇感情既女人做愛！」
簡直係廢話連篇。男人唔出去搞搞震當然有原因，可能怕有手尾跟，可能怕俾老婆知，可能孤寒唔捨得使錢，可能……

但如果可以同一個超級迷人既女仔上床，老婆唔知亦唔會有手尾，包冇性病兼且唔使$$，我統計過，一百個男人有九十九個都想，另一個唔想既只不過係以為俾人整蠱，以上情形我敢話一句，任何男人都唔會放過，唔好同我講你老公係例外，佢講大話呃你咋！

第三謊言：出差冇偷食？

好多時男人係香港唔滾只係怕俾老婆知，但當佢離你一千幾百公里既外地之時，俾你捉到姦既機會率幾乎等於零，呢個時候，心頭大石放低，真面目就立即現形，據我所知，好多自稱從來唔滾既男人，都係出差外地時，打爛齋砵大滾特滾一場。

男人出差最鍾意到步時立即打電話俾老婆報平安，話個真相你知，報平安掛住你統統係假，Check下你係咪仲係香港至真，冇話偷偷地黎捉姦，真係點玩都冇問題。

第四謊言：男人義氣？

男人係咪一定會講義氣呢？未必可以一概而論，肯為朋友兩脅插刀，又或者係傾盡所有錢借俾朋友救急，呢D義氣真係冇乜男人肯講，但若然話捱義氣幫手講大話呃女人的話，十個男人九個肯。亦係呢個原因，所有你不在場時你老公既言行舉止，千祈咪信佢朋友所講既一切，男人搞搞震最鍾意借自己朋友過橋，我自己都幫過唔少人，有D男同事明明去左泵骨，佢女朋友問我時我呃佢話去左採訪，要記住，男人就算做左任何卑鄙無恥下流賤格既事，都會有佢既男性朋友義不容辭幫佢隱瞞。

第五謊言：口味挑剔？

咪以為自己樣靚身材正，個男朋友就唔會搞鬼，我地男人其實係野獸，只要俾人挑起獸性，真係乜野事都做得出，如果唔係點會咁多奇案發生，例如靚仔小生曉格蘭特有個令其他男人恨到口水流既女友，居然走去荷裡活日落大街嫖個又肥又醜既黑種妓女，又或者腰前萬貫既練馬師大律師，居然走去非禮強姦其貌不揚菲傭，呢點足以證明，男人只要慾火一起，唔理好醜只求就手，只要有新鮮感，乜野女人都可以去馬。

第六謊言：男女平等？

男人從來係雙重準標，男人滾係風流，女人滾係下流， 男人永遠都唔希望女人可以同自己平等，只因男人潛意識中，始終當女人係弱者。

當年JohnLennon有隻歌叫《Woman is the Nigger of the World》
歌詞內容大約係講，如果可以，男人會將女人當奴隸買賣。
如果將女人當奴隸買賣係合法的話，你估會唔會有男人拒絕呢？

第七謊言：靈慾一致？

好多男人做愛時都係合埋眼，佢唔係投入，只係幻想緊個對手係其他女人，呢個性幻想對像講出黎嚇死你，未必係明星、歌星，可能係你既姊妹、朋友、隔籬鄰舍、上司等，只要能夠俾到佢慾望，男人唔會理會性幻想對像既身份，幻想得幾淫亂幾變態都好，根本唔會有罪惡感，呢樣野千真萬確，好多朋友私底下都向我承認有咁幻想過。