人生大概分為三個階段：
一、
長肉不長腦期，從嬰兒到十九歲（英語叫Teen age），大部分人呢段日子都係四肢發達、頭腦簡單。

二、
吸收知識時段，例如二十歲到二十五歲（有D人到二十八歲）。
呢段日子再唔係老師教乜、自己學乜，而係憑自己興趣有系統地吸收知識，
唔少人進入大學開始選科，決定將來人生之路；唔入大學者亦開始選擇自己嘅職業。
人嘅一生好多時便响二十歲到二十五歲呢段日子（部分人到二十八歲）決定。有D人選擇成為專業人士，有D人從商，有D人喜歡做公務員，
總之各適其適……。呢段時期開始形成自己獨特嘅見解，有自己嘅世界觀同人生觀。

三、
早熟者二十五歲、遲熟者二十八歲便進入思想型，部分人離開學校進入社會做事，之後往往停止學習，即使學習都傾向機械式學習，即照搬照抄而唔思考，
只有小部分人繼續成長，有D成為政治家、學者、企業家，成為各行各業嘅精英，
推動整個社會甚至國家向前。