曾幾何時我聽過人咁講「愛情」

愛情就好似檸檬茶….

你唔篤d檸檬 , 飲o個陣仍然好甜 , 但你飲緊既只係一杯甜既茶 , 完全品嚐唔到「檸
檬茶」既味道。

你稍微篤下檸檬 , 飲o個陣會酸酸地 , 而o個刻你就真係會飲到一杯真正既檸檬茶。

但你嫌唔夠 , 想再篤多d。你再篤多d , 因為你想再飲真d , 結果更加酸。到左最後你
愈執著 , 愈大力咁篤 , 再飲既時候 , 佢已經係變左杯好酸既檸檬茶 , 仲可以品嚐到
檸檬既苦味

到時你就後悔 : 「點解我係咁篤呢 ? 而家都變左質啦 ? 我只係飲緊一杯又酸又苦既
檸檬茶。」

結果你捨棄左呢杯檸檬茶 , 因為佢已經唔再適合你飲。

但係諗返轉頭 , 當初係你自願要呢杯檸檬茶 , 佢自願比你加野 , 佢自願比你篤 , 佢
自願比你飲用…

但只係你自私既念頭 , 飲到一半就捨棄左呢杯檸檬茶。

原來愛情都係一樣 ,
因為當初係你要求 , 對方為左你去改
到你自己執著 , 愈來愈執著…由一杯原本甜既檸檬茶 , 變左杯你覺得苦既檸檬茶
到最後你再接受唔到而離開

而對方就為左你去改變…而再變唔返甜 , 因為佢願意 , 佢眼巴巴睇住你走

珍惜下你而家杯檸檬茶啦